شاب مصري يتسلق عمود إنارة رافعاً علم مصر

فيديو من ميدان التحرير فى جمعة 8 يوليو

الفيديو بدون تعليق :)
_______________________________

مجلة الشباب العدد 335 يونيو 2005
كتب بهاء جاهين :
بعنوان ( موسم الامتحانات)

كتبت وانا صغير اغنية ساذجة اسمها (موسم الامتحانات) اولها بيقول ابريل ومايو ويونيو موسم الامتحانات ... ليه بتحلوى يا دنيا فى الوقت ده بالذات؟
ودا على اعتبار ان الربيع يتزامن مع شهور المذاكرة والامتحانات . ماكنتش اعرف وقتها ان الامتحانات مالهاش موسم وان الحياة موسم امتحانات متجدد مابينتهيش الا لما نسلم ورقة الاجابة الكبرى على اسئلة حياتنا كلها
وعلى هذا الاساس اسمحوا اكتب هنا وفى الحال اغنية جديدة بنفس الاسم اولها بيقول :
عندى يا ناس مشكلة
فات نص وقت الاجابة
وورقة الاسئلة
بينى وبينها ضبابة
مش عارف اقرا الحروف
شاورولى طب ع السؤال
انا بالذكاء معروف
ولكل شئ حلال
رد اللى قال خد وقتك
قدام جنابك سنين
مانتاش مسلم اجابتك
غير لما ساعتك تحين
طيب هاتولى مدرس
استاذ فى علم المعانى
يعرف يفسر كويس
خط اللى خط امتحانى

**********

(مانيش طويل القامة ولا عظيم الهامة لكن عيونى بصيرة ونظرتى فهامة)
قال الكلام ده شخص حسيت به فجاة ورا كتفى وانا محنى ع الورقة باحاول افك رموزها
قرا الاسئلة مبتدئا بالسؤال الاول :
(جوهرة تزن الجبال ولا وزن لها)
فكرت كتير ولما ماعرفتش الحل قال :
بص تحت رجليك , بصيت مالقيتش حاجة
قال : بص وراك , بصيت شخط فيا المراقب : بص قدامك
قدامى لقيت حيطة عليها سبورة , بصيت فوقى لقيت السقف
يمين شمال عيال مكفية زيى على ورق مش عارفين يقروه
غلب حمارى
وابتسم اللى واقف جنبى وقال :
- بص جوالك
- طب كان ليه الدوخة
- عشان تتاكد بنفسك ان مفيش حاجة حواليك
- ازاى بقى ؟
- اقصد الاجابة مش حواليك ... جواك
- جوايا فشة وكبدة ومعدة وطحال .. وقلب
- عظيم ابتديت تفهم
- افهم ايه مش فاهم
- بص جوة قلبك من فضلك
- وح اجيبه من جوة ازاى؟
- بص جواه بعينيه هو
- هو مين؟
- قلبك يا ممتحن
- انت جى تساعدنى ولا تلخبطنى؟
- انت اللى مش عايز تفكر
- افكر فى ايه؟
- ايه اغلى حاجة فى الدنيا؟
- الالماظ؟
- مش جواهر مادية
- (ساخرا) امال جواهر جوهرية؟
- بالظيط
- عجيبة ده انا كنت بهزر
- بس انا مابهزرش ولا الحياة بتهزر .. ايه اثمن جوهرة جوهرية توزن الجبال وكفتها تطب مع ان مالهاش وزن؟
- (يفكر) الحب؟
- اجابة السؤال الاول

**********

- طيب خش ع السؤال الثانى مفيش وقت
- فعلا مفيش وقت ... مع ان قدامك الحياة كلها
السؤال الثانى :
(الحق والخير والجمال ثلاثة ام واحد)؟
- طبعا ثلاثة .. سؤال سهل جدا .. وعبيط كمان
- متاكد؟
- الا متاكد .. الحق .. ادى واحد .. الخير .. ادى اتنين .. الجمال ثلاثة . ده سؤال اطفال الحضانة يحلوه
- ممكن بس ح يحلوه غلط .. زيك بالظبط
- (ساخرا) طب نورنى يابو الانوار
- الحق .. جميل ولا مش جميل؟
- جميل
- وقول .. الحق خير ولا مش خير؟
- خير
- واللى يعمل خير .. مش يبقى على حق؟
- اكيد
- والجمال اللى خلقه ربنا .. السما والبحر والورد والانسان .. خير ولا شر؟
- كل خير
- واللى يحب الجمال .. على حق ولا لا؟
- لا طبعا مش لا
- والحق والخير والجمال .. مش من صفات الله؟
- ايوة
- وربنا .. مش واحد؟
- لا شريك له
- يبقى الحق والخير والجمال
على ضوء ما سبق ثلاثة ام واحد؟
- واحد
- ودى اجابة السؤال الثانى

**********

لايمنى ع الثالث بسرعة .. انا سخنت
(الاجابة الواحدة الوحيدةعلى كل الاسئلة مهما اختلفت وتعددت هى ...)
- سؤالص عب ومش معقول كمان
- فكر
- لو فكرت من هنا لحد ما يسحبوا منى الورقة (بعد عمر طويل) برضه مش ح اعرف الاجابة
- طيب تعالى نفكر سوا
- عايز تفهمنى انك عارف الحل؟
- ايوة عشان فهمت السؤال
- طيب فهمنى ينوبك فيا ثواب
- ايه اصل الشر؟
- ده مش شرح ده سؤال
- جاوب من فضلك
- اصل الشر؟ الاشرار؟
- معقول . وليه فى اشرار؟
- والله ده حال الدنيا .. حكمة ربنا
- عظيم .. والدنيا جميلة؟
- جميلة
- وفيها فقر وذل وخوف وظلم ومرض؟
- فيها
- تبقى مش جميلة
- صح
- لكن فيها برضه حب وخير وجمال وعلم وفن
- فيها
- تبقى جميلة
- صحيح
- يعنى جميلة ومش جميلة
- صحيح
- وحتى لو كانت مش جميلة برضه بنحبها
- ايوة
- ازاى؟
- (يفكر) زى ما قلت قبل كدة .. حكمة ربنا
- رائع . مش فاضل غير انك تدينا الاجابة
- (يتردد) حكمة ربنا؟
- جاوب ما تسالش
- (عن اقتناع) ربنا
- ودى اجابة السؤال الثالث والاخير
- يعنى انا نجحت؟
- دا مجرد امتحان نظرى .. لسة التطبيق العملى .. ودا اللى عليه معظم الدرجات


----------


ملحوظة .. انا ناقل المقالة من المجلة بنفسى مش واخدها كوبى بيست 

السقيط ..صفر%
16-12-2009

اللي ليه نصيب في حاجة بياخدها.. ليك نصيب تخسر مليون جنيه هاتخسرها.. ليك نصيب تكسبها بعد ما خسرتها هاتكسبها.. أنا كان نصيبي أخلل في الثانوية العامة.. تلات سنين سقوط.. كنت باقعد أعيط علشان باسقط.. باسقط ليه؟ ليه؟ هو أنا غبي.. لأ.. أنا مش غبي.. أنا عارف كويس إني مش غبي.. أنا ذكي وذكي جدًا كمان.. طيب باسقط ليه بقي؟!

قعدت أدور علي السبب اللي بيخليني أسقط.. وبعد تفكير طويل، عرفت إيه السبب.. أيوه عرفته.. أنا باسقط علشان ما بذاكرش.. أيوه صح.. علشان ما بذاكرش.. ياااااااااااه.. أخيرًا عرفت السبب.. إيه الغباء ده؟! ده أنا غبي أوي.. إيه!! غبي..

واحترت تاني.. لحسن أكون باسقط علشان أنا غبي مش علشان ما بذاكرش.. تلات سنين قاعد علي مكتبي في أوضتي ووشي في الحيطة باحاول أذاكر.. لما كرهت نفسي وكرهت المذاكرة وكرهت الحيطة اللي كنت واثق إنها لو دخلت الامتحان بدالي كانت نجحت..

شكيت إن جايز يكون لون الحيطة المدهونة أبيض مش مساعدني علي التركيز.. فدهنوهالي أخضر.. بس الأخضر حسسني إني قاعد قدام سبورة الفصل.. مش معقول هابقي الصبح وبالليل في الفصل.. فكان بديل الأخضر هو الأصفر.. الله علي الأصفر وإشراقه في الأوضه.. أيوه كده، حاسس إن الشمس مابتغيبش من أوضتي.. بس لحد إمتي.. الساعة بتبقي تمانية بالليل ولسة الأوضة في عز الضهر، وأنا الحقيقة باحب أذاكر بالليل.. لا.. لا.. الأصفر ده مش لوني.. لقيتها.. هو الأزرق.. قشطة، خش علي الزرقان.. ودهنت الأوضه أزرق.. يا سيدي علي الليل وسحره وجماله وهدوئه وتركيزه.. ده من كتر إيحائه كنت أحيانًا أسمع دوشة عيال في الشارع فاطلع علشان أزعق لهم فاكتشف إننا الضهر مش بالليل..

عشت شوية مع الأزرق لحد ما حسيت إن من كتر زرقان الأوضه بيكبس عليَّ النوم، وإحنا لسة الظهر.. ماهو ليل بقي طول النهار.. طيب والحل؟! بيتهيألي بما إن الأصفر بيصحصح والأزرق بينيم، أنا أديها وش أصفر في أزرق.. وقد كان.. الأصفر والأزرق إداني أخضر.. يادي النيلة.. سبورة تاني.. أنا عايز لون حماسي وسخن كده، يسخني علي المذاكرة.. وماقولكوش بقي الأحمر عمل إيه.. كوابيس كوابيس رهيبة.. كنت باحلم إني في جهنم وباتعذب بسبب سقوطي المستمر.. بعد الأحمر الحقيقة السنة كانت خلصت وسقطت طبعًا لأني ضيعت السنة في دهان الأوضه.. وابتديت السنة الجديدة بلون جديد خالص "الأسود"..

دهنت الأوضه أسود علشان تمشي مع الأيام السودة اللي أنا فيها دي.. بس برضه غيرته.. مش بسبب إنه مش عاجبني، لكن لأن الأسود بيضيق الحاجات، فحسيت إنه ضيق الأوضة جدًا.. ده غير إنها أصلاً ضاقت من كتر الدهان.. وزي ما إحنا عارفين إن الأسود بيضيق.. عارفين طبعًا إن الأبيض بيوسع.. فاوسعت الأوضة تاني ورجعت زي ما كانت في الأول بلونها الأبيض زي ما أنا في المذاكرة أبيض.. طب أعمل إيه؟

نصيبي إني مابحبش المذاكرة وباسقط.. ذاكرت في كل حتة في البيت.. في أوضتي وفي كل الأوض.. حتي السطوح ذاكرت فوقه.. لقيت نفسي من غير شعور باسيب المذاكرة وأجري ورا الفراخ.. قلت طيب أجرب أروح أذاكر في النادي.. خدت الكتب والورق وقعدت علي طرابيزة في الشمس باصة علي ملعب كورة القدم.. وكان فيه عيال بتلعب كورة.. والشيطان شاطر.. قلت لنفسي واضح إن نصيبي ألعب كورة.. بس ضميري أنبني.. قولت معقولة يكون الشيطان شاطر وأنا مش شاطر وباسقط.. لا.. إن كان هو شاطر فأنا لازم أكون أشطر منه.. وإن كان هو نجح إنه مايدخلش الجنة أنا هانجح وآخد الثانوية العامة.. رحت قايم وقاعد علي الكرسي اللي قدامي وبقي ظهري لملعب الكورة.. ولسه هابتدي مذاكرة.. جم شوية هوا طيروا الورق من علي الترابيزة، وقعدت أجري ورا الورق أمسكه.. ياربي يعني هو أنا مكتوب عليَّ أجري ورا الفراخ فوق السطح.. وورا الورق في النادي.. لميت كل الورق وكان فاضل ورقة واحدة مش لاقيها.. بصيت حواليه لقيت الورقة الأخيرة في ملعب الكورة.. رحت أجيبها.. ومديت إيديا علشان أمسكها.. جت الكورة ناحيتي ووقفت جنب الورقة.. والعيال كلها وقفت وبصولي.. كانوا مستنيين الكورة علشان يكملوا لعب.. صعبوا عليَّ جدا.. فمسكت الكورة بإيدي اليمين ورحت رافعها في الهوا وشوطها حتة دين شوطة.. ولا فؤاد المهندس.. شوطة في شوطة في هيد في دبل كيك.. والحمد لله غلبنا تلاتة صفر.. تلاتة صفر.. يخرب بيت التلاتة علي الصفر.. افتكرت الصفر في المية اللي جبته في تالت سنة سقوط.. أنا أول واحد في مصر يجيب صفر في المية في ثانوية عامة.. نصيبي كده..

نجاح إيه ده اللي عايز ينجحه واحد زيي.. واحد دهن أوضته عشر مرات وجاب صفر في المية.. ده أنا كان ناقص أدهنها مرهم.. الصفر ده ميدخلنيش حتي السجن.. سجن إيه بس؟ أنا هافول علي نفسي ولا إيه! أيوه أنا لازم أخش السجن بالصفر ده.. تفرق إيه إنت عن أي مجرم.. صحيح السجن مابيدخلوش إلا القاتل..

طب ما إنت قاتل.. قتلت الفرص اللي كانت ممكن تكون قدامك لو كنت جبت مجموع.. السجن مابيدخلوش غير اللي بيسرق!.. طب ما إنت سرقت فرحة أبوك وأمك بنجاحك.. السجن مابيدخلوش غير اللي اغتصب! طب ما إنت اغتصبت مكان واحد تاني كان هايكون قاعد علي كرسيك في الفصل وجايز يكون أحسن منك.. السجن مابيدخلوش غير اللي بيحرق! طب ما إنت حرقت تلات سنين من عمرك اللي ربنا أداهولك علشان يبقي ليك لازمة.. السجن مابيدخلوش غير حد ظلم حد! طب ما إنت ظلمت نفسك.. السجن مابيدخلوش غير المتظاهر! طب ما إنت اتظاهرت إنك كنت بتذاكر.. قولت لنفسي كفاية كفاية.. وقلت لنفسي طيب مش جايز يكون نصيبي إني أنجح بس أنا مفهم نفسي إن نصيبي أسقط.. زي ما أنا نصيبي دلوقتي إني أقول إن نصيبي أنجح وأنا مفهم نفسي إن نصيبي أسقط.. اخرس.. لأ مش هاخرس وهاجرب..

زي ما ممكن تخسر مليون ممكن تكسب مليون، لو كان ليك نصيبك تكسبهم.. تصدقوني لو قلتلكوا لما عملت كده كان نصيبي أنجح.. أيوه نجحت.. هيههههههه.. أخيرًا نجحت.. نجحت بمجموع خمسة وأربعين في المية.. أصلي كنت معفي من الفرنساوي علشان ماكنتش باخده في السعودية لما كنت عايش هناك.. أنا أول واحد في مصر برضه يجيب خمسه وأربعين في المية في ثانوية عامة وينجح.. صحيح أنا جايب خمسة وأربعين في المية.. بس توازي خمسين في المية.. نصيبي كده.. مش مهم نصيبي دلوقتي..

المهم تنسيقي.. ملقتش ولا كلية ممكن تاخد مجموعي.. وبعدين يا نصيبي رايح بي َّعلي فين؟ لما قلت نصيبي السقوط سقطت.. وأما قلت نصيبي النجاح نجحت.. ياريتني قلت نصيبي أجيب تسعين في المية.. ياتري يا نصيبي هاتعمل إيه تاني فيَّ..

مات واحد من عيلتنا.. نصيبه كده.. الله يرحمه.. ونزل نعيه في الجرنال.. وأبويا قالي روح هات الأهرام لما نشوف النعي مكتوب إزاي.. اشتريت الجرنال.. وقرأ أبويا النعي وبكي.. أصله كان صاحبه وبيحبه.. وعزينا كلنا وبرضه أبويا بكي.. ورحنا الأربعين.. وأنا باحب السمك البلطي.. نصيبي كده.. وأمي بتعمله حلو جداً.. نصيبها كده.. اشترت أمي السمك وشوت اللي اتشوي وقلت اللي اتقلي.. نصيب السمك كده.. ورجع أبويا من الشغل لابس فانلته "المونتوجت النبيتي".. وشايل خمس ترغفه.. أصل إحنا خمسة ومحدش بياكل أكتر من رغيفه.. نصيبنا كده.. وجه وقت الغدا.. وفرشت جرنال علي السفره.. لقيته جرنال العزا.. وعلشان مافكرش أبويا بعزيزه اللي اختفي.. وده وقت غدا مش بكا.. قلبت صفحة الأسي اللي فيها النعي.. وابتدينا الغدا.. برقت فجأة أمي علي حاجة في الصفحة اللي قلبتها.. افتكرتها شافت النعي مع إن أنا قلبت الصفحة.. قلت يارب ما تتكلم ده إحنا ما صدقنا إن الموضوع اتنسي.. زاحت رغيفي اللي كان مغطي جزء من مربع أسود مكتوب جواه كلام بالأبيض.. وابتدت تقرا بصوت سامعينه كلنا..

صوت ماما: إعلان.. يعلن معهد الفنون المسرحية بالهرم عن قبول دفعات جديدة بمجموع يبدأ من خمسين بالمائة بأقسامه الثلاثة.. التمثيل والنقد والديكور.. وأنا ماكنتش بانجح إلا في امتحان قدرات الفنون والعمارة.. ابتسمت ماما من حلاوة الأمل.. وأبويا ابتسم ودعا ربنا بالشكر.. وأنا قريت الفاتحة علي الميت.. اللي نصيبي معاه ابتدي... 

طز

مقال لفهمي هويدي
كانت البداية فى أحد مطاعم اسطنبول حين أثار انتباهى أن وعاء الملح كتبت عليه بالأحرف اللاتينية كلمة «طز»، وهو ما استغربت له. ومن باب الفضول حاولت أن أتحرى العلاقة بين الملح والكلمة، التى أصبحت تجرى على لساننا، مسكونة بمعانى عدم الاكتراث والرداءة وقلة القيمة.
لم أجد لها أثرا فى قوامسينا اللغوية. وحين رجعت إلى كتاب «المحكم فى أصول الكلمات العامية»، وجدت انها فى الفارسية تكتب دز (بكسر الدال) وتطلق على ما هو قبيح أو ردىء أو سيئ الخلق. وفى التركية تكتب «طكز» وينطقها العامة طُنز التى تعنى السخرية والهزل. وفى لسان العرب أن الطنز هو السخرية. وقد عربت الكلمة وحرفت إلى طُز، وقالوا لى فى تركيا إنهم أطلقوا على الملح كلمة طز للتدليل على تواضع شأنه وقلة قيمته.

سألت أحد أساتذة التاريخ، إذا سلمنا بكل ذلك، فما الذى أوصل الكلمة إلى مصر وأشاعها على ألسنة الناس بنفس المعنى تقريبا؟ رد صاحبنا قائلا إنه فى عهد الدولة العثمانية كان جباة الضرائب يحصلونها من التجار عن كل سلعة يبيعونها، ويستثنون الملح لقلة شأنه واستصغارا لقيمته. وإذ أدرك التجار ذلك فإنهم لجأوا إلى حيلة بسيطة للتهرب من الضرائب.

إذ اصبحوا يخفون بضاعتهم فى قاع أجولة أو أوعية كبيرة ويضعون فوقها طبقة من الملح، لا تظهر شيئا من السلعة المخفية. وحين كان يمر عليهم جباة الضرائب ويسألونهم عما لديهم فإنهم كانوا يشيرون إلى تلك الأجولة والأوعية قائلين: «فيها طز»، مستخدمين مفردات لغتهم التركية. ومنذ ذلك الحين ارتبطت الكلمة بالملح عند الأتراك، وسرت على ألسنة المصريين بالمعنى المتداول فى الوقت الراهن.

وانضمت بذلك إلى قائمة المفردات التركية التى شاعت فى لغتنا الدارجة، ومنها: كوبرى ــ شراب ــ شنطة ــ أوضه (حجرة) ــ فستان ــ توكه ــ فرشة ــ قفطان ــ أورنيك ــ بقلاوة ــ بومبار (الأمعاء المحشية وينطقونها منبار) ــ ياميش (الثمر الجاف فى التركية) ـ جلاش ــ ماسورة ــ بويه ــ أويمه (للنقش أو الحفر) ــ طابور ــ شلته ــ حنطور ــ جزمة (حذاء) ــ ماهية (الراتب الشهرى) ــ طاسه ــ بسطرمه (ينطقونها باصدرمة) ــ أورمان بمعنى غابة (حديقة الأورمان) ــ جردل (ينطقونها كردل) ــ طقم ــ ضُلمة (المحشى) ــ برش (حصير) ــ ازان (وعاء كبير لغلى الماء) ــ كبشة (المغرفة) ــ كركون (لمركز الشرطة) ..الخ.

ليست المفردات التركية وحدها التى اخترقت خطابنا المتداول، ولكن هناك قائمة طويلة من المفردات الفارسية أيضا (غير الكلمات الإنجليزية والفرنسية والإيطالية). وهو اختراق كان متبادلا. ذلك أن المفردات العربية التى دخلت على اللغتين التركية والفارسية لا حصر لها. ويقدر بعض الباحثين ان نسبتها فى هاتين اللغتين تتراوح بين 30 و40٪ من المفردات المستخدمة. ولا غرابة فى ذلك لأن انتشار الإسلام فى تلك البلدان استصحب معه انتشارا للغة القرآن العربية. يقول مؤلف كتاب المحكم فى أصول الكلمات العامية إن «اللغة التى يتكلمها أهل مصر فى الآونة الحاضرة (الكتاب مطبوع سنة 1939م) هى اللغة العربية محرفة عن أصولها. خارجة عن قيودها وقواعدها، وإن التحريف فى العربية قديم يرجع عهده إلى زمن النبوة.

..لأن اللحن فى اللغة ظهر فى كلام الموالى والمتعربين آنذاك. فقد لحن أحدهم أمام النبى محمد، فقال عليه الصلاة والسلام «ارشدوا أحدكم فقد ضل». وإذ يذكر المؤلف أنه إذا كانت مخالطة العرب لغيرهم من الأعاجم من الأسباب الخارجية التى أدت إلى تحريف اللغة، فهناك أسباب داخلية أيضا أدت إلى ذلك. وهذه الأسباب ثلاثة هى: تعدد اللهجات بتعدد القبائل واختلافها ــ وخصائص اللغة وسننها ــ واتساع اللغة.

بقى أن تعلم أن مؤلف ذلك الكتاب النفيس اسمه الدكتور أحمد عيسى بك، الذى وجدت تعريفا له على الغلاف ذكر أنه: عضو المجمع العلمى المصرى، وعضو بالأكاديمية الدولية لتاريخ العلوم بباريس ــ وعضو المجمع العلمى العربى بدمشق ــ وعضو بالمجلس الأعلى لدار الكتب الملكية، وعضو اللجنة العليا لمتحف فؤاد الصحى ــ هل لدينا أحد الآن يملك مثل هذه المؤهلات؟ 

طظ

كلما قرأت تفاصيل هذا الذي وقع في سيدي جابر، شعرت بأن هناك شابّين يحمل كلاهما اسم خالد محمد سعيد، تواجدا في الإسكندرية في تلك الساعة من يوم 8 يونيو عام 2010 وتُوفّيا إلى رحمة الله في نفس اللحظة. هناك "خالدهم" خالد تقارير الحكومة وكتّاب الصحف القومية، و"خالدنا" نحن المصريين الذين يملؤون الشوارع ويتمنون أن يبتعدوا عن الحكومة وتبتعد الحكومة عنهم.

الحقيقة تضيع بسهولة، ومن السهل على أي ضوضاء أن تُخفي حقيقة ما يحدث.. جربنا هذا من قبل في مواقف عديدة؛ لكننا تعوّدنا كذلك على أن الحكومة تكذب كثيراً جداً.. المفكّر العالمي الوحيد الذي تؤمن بأفكاره هو "جوبلز"، ولقد تعلّم المواطن المصري منذ زمن أن يقرأ الصحف القومية مع بعض التغييرات: (لا صحة لما نشر عن زيادة في الضرائب)؛ معناها: (ما نُشر عن زيادة الضرائب صحيح تماماً). أو (جميع المصريين في سيراليون بخير)؛ معناها (المصريون في سيراليون حالهم زي الطين).. هكذا تصير الصحف القومية مفيدة جداً وبالغة الصدق.. هكذا يمكننا أن نعرف رواية مَن الأصدق بصدد "خالد"، دعك من أن الفتى "خالد" كان له أصدقاء يعرفونه جيداً، وهم شهود مهمّون.

ما هو الفارق بين "خالدنا" و"خالدهم"؟
"خالدنا" شاب في الثامنة والعشرين من العمر، له وجه وسيم وابتسامة هادئة مهذّبة توحي بالثقة، وعينان مليئتان بالأحلام، هل كان يحب فتاة رقيقة مثله؟.. هل كانت هي تحبه؟.. هل كان يتهيأ لطلب يدها؟.. شاب سكندري ملأته المدينة الساحرة بحب الجمال، يهوى تربية القطط، ولديه صورة وهو يحمل قطة تحت إبطه.. اعتدت أن أثق بمن يحب القطط وأصدّقه؛ لكن هذا موضوع آخر.. شاب يعزف الموسيقى على جهاز الكمبيوتر الخاص به، ويصطاد السمك، ولديه شركة استيراد وتصدير صغيرة (على قده).. يمكن أن يكون ابن أو أخ أي واحد منا.

عرفت كذلك أنه عاش لفترة في أمريكا، وله أخ يحمل الجنسية الأمريكية، وهو يهوى الإنترنت.. لا يعرف أن الإنترنت هواية قاتلة بالمعنى الحرفي للكلمة؛ لكنه سيعرف هذا حالاً.

"خالدهم" -بالصدفة- في نفس السن.. هو شاب عاطل وصايع فعلاً، إنه الرجل الذي لا تتمنى أبداً أن تُقابله في زقاق مظلم، يُتاجر في المخدرات وفارّ من الخدمة العسكرية، ويحمل مطواة قرن غزال، سبق له التحرّش بفتيات، ومطلوب في قضايا سطو مسلّح.

هل يمكن خلط الحقائق لهذا الحد؟.. لماذا لم نسمع هذا الكلام إلا من الداخلية؛ بينما يُصرّ الجيران والأصدقاء على أنه مجرد شاب مهذب لطيف؟.. يبدو أن قدرته على الخداع كانت فائقة إذن!!

"خالدنا" كان جالساً في مقهى الإنترنت في "كليوباترا"، عندما اقتحم المكان "بسطويسي".. آسف.. اقتحمه المخبران محمود الفلاح وعوض، وراحا يفتّشان الموجودين في وقاحة، ما فعله خالد هو أن أبدى امتعاضه وتساءل عما فعله.. كان هذا إعلاناً بالكفر بالنسبة للمخبريْن اللذيْن قررا أن الوقت قد حان للتسلية وإخراج طاقة السادية لديهما.. طوارئ يا عسل كل سنة وأنت طيب.. هكذا انهالا ضرباً ولكماً على الفتى؛ حتى سقط على الأرض.. لكن أحدهما أنهضه وأمسك برأسه وراح يضربه على الكاونتر مراراً.

ثم إن المخبريْن حاميي القانون اقتادا "خالدنا" إلى عقار جوار المقهى وتولّيا ضربه بالركلات في البطن والصدر حتى فقد وعيه؛ فحاول أحدهما إفاقته بطريقة علمية هي ضرب رأسه في جدران العقار والسلالم الرخامية. ثم حملاه داخل سيارة الشرطة إلى قسم سيدي جابر وسط ذهول الحاضرين‏,‏ وبعد عشر دقائق عادا به بدعوى طلب سيارة إسعاف لنقله إلى المستشفى؛ لكنه كان قد فارق الحياة.

يقول الشهود: إن مباحث سيدي جابر انتشرت بالمنطقة ليس بحثاً عن الجناة؛ بل بحثاً عن محمول مزوّد بكاميرا قيل إنه التقط صوراً للجريمة.. يقولون كذلك إن مباحث سيدي جابر مارست كل أنواع الضغط لإثناء شهود الواقعة عن الإدلاء بشهادتهم عن تفاصيل ما حدث.

"خالدهم" تصرّف بطريقة مختلفة تماماً.. شخص بهذه المواصفات لا بد أنه كان يحمل بانجو، وعندما رأى دورية يقودها ضابط مباحث سيدي جابر ورجلا شرطة أصابه الهلع؛ فابتلع ما معه من بانجو.. أصيب بحالة من الإعياء وتوفي قبل بلوغ المستشفى. وقال المسعف في أقواله أمام النيابة إنه استخرج لفافة من القصبة الهوائية للمتوفى والتي أصابته بالاختناق، واستبعدت التحقيقات وجود شبهة تعذيب بعد مناظرة الجثة.

كلنا نعرف كيف يُستخدم البانجو لتلفيق القضايا، وقديماً قال ضابط شرطة -بعيداً عن النشر: أي رئيس مباحث لا يحتفظ في درج مكتبه بقطعة حشيش ومطواة قرن غزال وطبنجة لزوم تلفيق القضايا، هو رجل لا يعرف شغله!

لكن لِنَدَع الصور تتكلم.. الصورة التي نشرت لجثّة "خالد" الرقيق عاشق القطط تجعلك تتساءل: هل قبضوا على سائق القطار الذي داس عليه؟.. لقد تحطمت الأسنان والفك وتشوّه الوجه تماماً.

"خالدنا" صار هكذا بعد تعامل بسيط مع الداخلية التي توحّشت وصار من المستحيل إعادتها للقُمقم.

"خالدهم" صار هكذا لعدة تفسيرات قدّمتها الداخلية: التفسير الأول هو ابتلاع كيس البانجو؛ وحتى لو كان البانجو مغشوشاً؛ فليس من آثاره الجانبية تحطيم عظام الوجه.. التفسير الثاني هو التشريح؛ لكننا كنا طلاب طب ورأينا الجثث وكيف يصير حالها في نهاية العام الدراسي بعد ما يمزقها مئات الطلاب شديدو الخرق؛ لكننا لم نرَ هذا المشهد.. التفسير الثالث هو ارتطامه بباب عربة الإسعاف.. كثرة التفسيرات تدلّ على أنه لا تفسير لديهم.

"خالدنا" -كما قال صديقه الصحفي "بهاء الطويل" في مقال له- لم يتعاطَ المخدرات لأنه في الأصل غير مدخّن، وأدى الخدمة العسكرية مثل أي شاب مصري.

"خالدهم" مجرد مجرم تلقى عقابه.. وكما وصفته الصحف القومية بلطف "شهيد البانجو".. ظريف جداً.. هؤلاء القوم مجموعة من الحمقى، ويجب أن يعاقبهم النظام بقسوة؛ لأنهم يؤذونه بلا توقّف.

المشاعر ملتهبة ولو لمستها نسمة لالتهبت؛ لكن الأخ -كاتب المقال- يسخر من المتوفى ويهين أسرته وأصدقاءه.. بل يُهين مفهوم الشهادة الديني أصلاً.

"خالدنا" غيّر الكثير فعلاً.. لم تذهب قطرة من دمه هدراً وصار رمزاً.. فوجئت أنه صارت له صفحة على الويكيبديا العربية؛ أي أنه صار من المعلومات العامة التي يجب أن يعرفها المواطن المثقف.. عقب أداء صلاة الغائب عليه بميدان كيلوباترا، تظاهر ما يقرب من 3 آلاف شخص من أبناء الإسكندرية والقوى السياسية المختلفة من أعضاء حركة "الجمعية الوطنية للتغيير"، وحركة "الاشتراكيين الثوريين"، و"6 أبريل"، وحركة "كفاية".

"خالدنا" قد أظهر كَمْ أن الأمور بلغت حافّة الهاوية ولم يعد أحد يتحمل أكثر.

"خالدنا" كان يعرف الكثير لو أخذنا بما قالته السيدة ليلى مرزوق (أمه)، قالت إن ابنها حصل على فيديو يتضمن لقطات بالصوت والصورة لأحد ضباط قسم سيدي جابر والمخبرين وهم يقومون بالاتجار في الحشيش؛ مشيرة إلى أن المجني عليه قام بنشر الفيديو بين أصدقائه؛ وذلك منذ حوالي شهر.. "خالد" قال إنه سوف ينشر هذا الفيديو في مدونة.

حتى لو كان "خالدهم" له وجود وكان يتاجر بالبانجو في اللحظات التي لا يغتصب فيها البنات؛ فبأي حق يتم إعدامه في قلب الإسكندرية من دون محاكمة؟ وبأي حق يُخرج بلطجيان ساديتهما عليه لمجرد أنه لا يستطيع الردّ؟ يبدو أن أهل "كترمايا" اللبنانية كانوا شديدي الرقة إذن.

"خالدنا" هو شهيد الطوارئ.
"خالدهم" هو شهيد البانجو؛ لكن العبقري الذي صكّ هذه العبارة سوف يدفع ثمنها يوماً ما، ولسوف يتمنى لو قُطعت يده قبل أن يكتبها إرضاء لفلان باشا.. هل أنت متأكد يا سيدي من أن طائرة الفرار المتّجهة إلى سويسرا سوف تُقلع في وقتها حقاً؟ 

سأحاول ان اوصف لكم منظر و اتمني ن الوصف يوصل الصوره كويس

بكتب لكم من امام جهاز الكمبيوتر و مطفيء نور الغرفه... علي يميني البلكونه المطله علي نهر النيل
و علي مد البصر نجد ضفه النهر الاخري
تخيل حركه ماء النيل و انعكاس الضفه الاخري علي صفحه النهر ..اشعر معايا بحركه النهر
تجد بعضها يتحرك متوجها من الشمال الي الجنوب و الاخر من الجنوب الي الشمال و كأنها قطاران يتقابلان
تخيل الدنيا مظلمه اوي شديده الكحوله و الظلام ..و تخيل ان عواميد اناهر الشوارع غير موجوده و تخيل لا يوجد احد في المنطقه اللي انت فيها
اسمع معي صوت لارياح لابارده و هي تهب علي جسدك و تشعرك بالبروده
انظر الي السماء تجدها شديده السواد حوال تركز فيها .. تتتلصص بعينيك و تحاول ان تستشعر بأي شيء
تخيل انها ملبده بغيوم لوهنها اسود.. و حوال مره اخر التركيز فيها .. ستجد حركه للغيوم و السحب و من بينها تري بصعوبه بعض النجوم ..و هي تضيء و لكن ضوء خافت جدا جدا

تخيل معي الحراراه بدأت تنزل اكثر فكثر.. اشعر بقيمه البرد ولا تنسي نت لاآن معزول و كأنك في جزيره بمفردك لا عمران حوليك ولا اي حاجه

اغمض عينيك بحركه بطيئه لبضع ثواني و تخيل الظلام الدامس داخل عينيك ..بل داخل اعماق اعماق اعماقكو ركز فيه.. ثم افتح ببطئ ايضا و حاول ان تري مياه النهر و السماء .. انت الآن لا تراهم و لكن تسمع صوت الماء و هو يجري و الرايح البارده وهي تهب علي جسدك
تخيل نفسك انك تضع يديك علي زجاج البلكونه و اشعر بالبروده من جراء تلامس يدك للزجاج
و تخيل نفسك انك وقفت في البلكونه
خللي بالك.. كل ما حولك ظلام دامس عدا بعض الااضواء الخافته جدا من نجوم غير ظاهره بفعل الغيوم مع سماعك لصوت سريان الماء و احساسك بالبروده
الأن اسمع بأذنيك... بدأ المصر ينهمر ... ينهمر قطرات بسيط ..الجو بيندّع.. هذه القطرات بدأت تنول علي رأسك و تشعر بها
و بدات تزيد و تزيد و صوتها بدأ يشتد...
في تلك الأثناء.. ظهر البرق في الافق
اذا بقه عندك مصدرين للضوء تري من خلالهما ..ضوء النجوم الخافت جدا و البرق
الان دخل الرعد معانا .. تخيل الاصوات كلاه معا
سريات الماء
صوت الهواء
صوت هطول المطر
صوت لارعد
و تخيل احساسك بالرياح البارده جدا وهي تلفح جسمك
و الكل حولك ظلام دامس باستثناء بعض الضوء الخافت من بعض النجوم المخفيه وراء السماء الملبده بالغيوم و البرق
الىن اغلق عينيك ببطء شديد.. و اسمع الاصوات و حس بالبروده ..ظل لعي هذه الحاله بضع دقائق
الان افتح عينيك و انظر الي السماء .. تخيل سقوط حبات ضغيره من الثلج الابيض الصغير بدلا من المطر
و اشعر بأن الجو يزداد بروده اكثر و اكثر
و تخيل كثافه الثلج تويد شيئا فشيئا
اشعر به وهو يلامس جسدك
اغمض عينيك مره اخري


و الآن.. اخبرني بماذا تشعر ؟؟؟

رايتها فى احدى الحفلات التى كنت اواظب على حضورها ...
كانت تستمع بشغف الى هذا المبدع وهو يعزف على العود...وكيف يشدو بترانيمه الرائعه
كنت اانظر اليها واسترق النظر حتى لا تشعر بى ...وكنت اشعر ايضا ان بها شىء رائع ...قلما نجده اليوم

نعم...انه الحس الفنى الرائع...انه الذوق ...والاحساس بالفن
شعرت بهذا ...ولم اكن مخطىء...
وانتهى العرض ...وقد عقدت العزم على ان ااعرف مواعيد هذا الشاب ...فقط كى استمتع برؤياها مجددا امام عينى

وجاء موعد الحفلة مجددا ...وجلست فى مقعدى المفضل ...ولكن ...بالقرب من مقعدها قليلا ...
كى اجعل عيناى تستمتع وهى تنظر الى تلك التحفة الجالسة امامى
عصفور من عصافير الجنة جالس امامى ...يستمع برهف ...ويدندن مع الموسيقى الخلابة

كم كان الجو شاعرى ....ومثالى لاى عصفورين ...يجلسان سويا ...كى يشدو كل منهما للاخر بأغنية تعبر له عن حبه
ولكن لم يكن بداخلى الجرائة لكى ااذهب واعرف حتى ااسمها
لم يكن بداخلى الشجاعه لكى اطلب منها حتى معرفة كم تكون الساعه الان

"هل اجد معك منديلا سيدى ..؟"
انتشلنى هذا الصوت الملائكى من تخيلاتى وافكارى ...لاجدها هى ..امامى
نعم...هى بشحمها ولحمها وانوثتها المتفجرة من كل مكان فيها امامى

تطلب منى منديلا ...اااااااه ...الا يمكنك طلب قلبى فاعطيه لكى...
الا يمكنك طلب عيناى فالفهما فى ورقة بيضاء معطرة بأزهى عطور الحب لكى

ولكنها طلبت منديلا ...مع نظرة خلابة تجعل الانسان لا يرفض لها طلبا ...
صمت ...وادخلت يدى فى جيبى واخرجت لها العلبة بأكملها ...وعندما قالت انها لا تحتاج سوى واحد فقط...
اصررت على ان تأخذ العلبة بأكملها ..

وابتسمت ..

ثم رحلت

كان لي وطن ..
تملؤه أشجار الزيتون..
تفوح منه رائحة الليمون..
وتُسمع فيه أغاريد الحنون ..
تداعب شُطآنه أمواج البحر ..
فتنسج من رماله أجمل الشِعر...
وتعبق أجواؤه بأجمل روائح العطر..
تموج سهوله بسنابل ذهبية ...
دروبه ذات طبيعة عربية ...
ولبيوته ملامح إسلامية ...
أحبك وطني ...
أحبك وطني بعاداتك العتيقة ..
وأكلاتك العريقة ..
وسهراتك الرقيقة ...
أحبك وطني ..
بحكاياتك البهيّة ..
ومقاهيك الزهيّة ..
وحجارتك البنيّة ..
وصخور بحرك اللؤلئية ..
أحبك وطني ..
بأزهارك القرنفلية ..
وورودك البنفسجية..
أحبك وطني بكل مافيك
رغم جراحك ومآسيك
رغم انّا لانعيش فيك
فأنت تعيش فينا
ويرونك في مآقينا
أحبك وطني ...

بقلمي : اسما السعدي
2010