مشمش اتخرج ياجودعان
كانت الساعة 5 ونص .. كنت نايمة معيطة كعادتى يعنى
وصحيت من النوم قرفانة ومخنوقة
وافتكرت قبل ماانام كنت عاملة ازاى فأكتئبت اكتر
فرحت اصلى العصر ولابسة الاسدال وماسكة المصلية باليمين والموبايل بالشمال
فببص على الموبايل لقيت ميسد منه
كلمته واول مارد عليا.. قولتله انت نجحت يامشمش
وقعدت اضحك زى الهبلة :ahbal:
كنت مبسوطة اوى والله .. الولد ده بجد عانى كتير اوى فى الجامعة
..............
نحب نقوله ألف مبروك بهذه المناسبة السعيدة وعقبال السنة الجاية :blink:
..............
متخافش من الحياة الجديدة وعادى لما تفضل مستنى كتير لحد مايجيلك شغل ومتستعجلش وخد وقتك فى الاجازة .. الدنيا مش هتطير
أنا اول مااشتغلت .. اشتغلت فى شهر 8 قبل ماالنتيجة تطلع اصلا
وندمت وسبت الشغل بعد شهر لأنى زهقت
متكتأبش.. سيب كل حاجة تاخد وقتها
وان شاء الله ربنا هيكرمك يامشمش
كنت هعملك بوست عندى .. بس استخسرت :D
بصراحة ملقتش مكان اكتب فيه احسن من ده
.................
دايما متجمعين فى الافراح يافكراوية :bosy:
Posted by Anonymous
on 8/23/2009 11:16:00 AM. Filed under
كل البوستات,
مناسباتنا
.
You can follow any responses to this entry through the RSS 2.0.
اوعى ماتسيبش رد
على فكرة انا كل يوم ادخل ااقراها وببقى عاوز اسيب كومنت بس مبعرفش فبقفل الصفحة وبمشى
مش ناسى يعنى
"فرحت اصلى العصر ولابسة الاسدال وماسكة المصلية باليمين والموبايل بالشمال
فببص على الموبايل لقيت ميسد منه
كلمته واول مارد عليا.. قولتله انت نجحت يامشمش "
يا بنتى كفاية انى كنت سبب انك تتبسطى وقت ما كنتى مخنوقة ومعيطة يعنى ^_^ :$
انا بقى كسلت اشتغل قبل ما النتيجة تطلع ...هههههههههههههههههه
بس قريب ان شاء الله هنزل شغل طحن هبد رزع فحت كام شهر كده اتعود واحوش كام قرش اشترى بيهم هدايا لنفسى ..ههههههههههههههههههههههههههه
ربنا يكرمك يا ريرى بجد والله بدعيلك كل يوم لوكشة ادعية كده..:)